1 – الاستضافة يعني ميكونش الموقع متجر الكتروني وعليه زيارات كتير وانت رفعه على استضافة مشتركة الاستضافة المشتركة دي بترفع الموقع التعريفي بالعافية ونصيحة مني لو تقدر تبعد عن الاستضافة المشتركة خالص اعمل كدا.

2 – مكان الاستضافة بمعني ان ميبقاش زوار الموقع من الشرق الاوسط وانت جايب استضافة في شرق اسيا لازم تختار اقرب مكان لزوار الموقع طيب هنقول ان بيجي للموقع زوار من جميع انحاء العالم هنعمل اي بقا ودي تالت حاجة.

3 – استخدام CDN اي هو بختصار ده نظام بياخد نسخة من الموقع ويحطها على السيرفرات بتاعتو ودي بتبقا في كل حتى في العالم عشان لما يجي للموقع زيارات من اي حتى هو يرد بالموقع بسرعة وميقعدش يحمل كتير بسبب بعد مكان الاستضافة الاساسية بتاعت الموقع وفي CDN مجاني ويعتبر هو الاشهر CloudFlare وده يعني بيعمل حاجات كتير اوي بيحمي الموقع من هجمات ال DoSS بيعمل للموقع كاش وبيضغت الملفات بتاعت الموقع عشان متستهلكش Bandwidth كتير ومميزات كتير اوي اكتشفها انت مع نفسك.

4 – ال Cash وده مهم اوي اوي اوي لي ووردبريس في حاجات كتير اوي وطبعا زي ماهو معروف مبني بلغة PHP طيب اي الي بيحصل لما الزائر يخش الموقع اكواد ال PHP بتتنفذ وتشغل اكواد الويب المعروفة زي HTML و CSS و JS وتبعت تطلب بيانات من ال DB وال DB ترد وتبعت تطلب حاجات تاني بناءً على الرد الي جه اول مرا وموال كبير اوي ولا انا ولا انت والا الزائر لينا دعوة بيه عشان كدا بنستخدم الكاش طيب بيعمل اي الكاش ده بياخد نسخة من الموقع بعد ما الاكواد تتنفذ والطلبات من ال DB تخلص ويحفظها في ملف HTML جاهز واول ما الزائر يطلب الموقع يفتح معاه على طول من غير كل اللف والدوران ده بس طبعا في صفحات مينفعش يتعملها كاش زي مثلا الصفحات الي بيبقا فيها بيانات خاصة بكل مستخدم واشهر الاضافات الي بتعمل كدا اضافة WP Rocket ودي اضافة مدفوعة بس مش خسارة فيها الي هيدفع فيها وفيها اكتر من ميزا بردو اكتشفها انت مع نفسك.

5 – الصور متحطش في الموقع صورة 4K وتقول الموقع تقيل والصفحة بتحمل ببطئ الصور بتاخد بتاخد مساحة وبتبقا تقيلة طيب حل المشكلة دي اي نستخدم صور خفيفة او الصور الافضل مع الويب والي هيا صور بصيغة webp وطبعا مش اي صورة webp وخلاص لاء في اضافة بتضغط الصورة عشان تبقي خفيفا وبتحولها webp زي اضافة Imagify ودي اضافة مدفوعة ومش خسارة فيها الي هيدفع فيها.

6 – المحتوى متستخدمش محتوي بيتطلب من برا الموقع على الاقل والصفحة لسا بتحمل زي اي زي فيديوهات اليوتيوب متخليهاش تحمل او متخليش الموقع يتواصل مع يوتيوب ويطلب منو الفيديو غير لما الزائر يشغل الفيديو وده بيتعمل ازاي عن طريق اضافة الكاش الي بستخدمها هتلاقي فيها الميزة دي طيب واي تاني خرائط جوجل متحطش خريطة جوجل عندك على الموقع خالص ولا في اي صفحة عايز تضيف العنوان خد صورة من الخريطة وضيفها كا صورة وحط فيها رابط العنوان والي يدوس على الصورة يروح على جوجل ماب يدقق في العنوان هناك بقا وميتعبناش احنا.

7 – في حاجات كتير اوي بتتحمل مع تحميل الصفحة زي الاضافات وحجات تبع الثيم وحجات تبع ووردبريس نفسو وده كلو بيتقل الصفحة طيب وحل المشكلة دي اي اضافة Perfmatters دي اضافة مدفوعة بتعمل اي بتتحكم في كل حاجة بتشتغل في الصفحة عايز تلغي تشغيل اضافة في صفحة معينة او عايز تعمل اي حاجة في اي حتى هيا بتاعت الكلام ده وفيها مميزات كتير اوي اوي اكتشفها انت مع نفسك.

8 – متعملش تصميم مليان Animations وتقول الصفحة تقيلة ولا الموقع بطيئ انت بالطريقة دي الزائر هيتجلط من الموقع ومش هيخش تاني فا حاول في التصميم على قد ما تقدر متحطش Animations عشان تقيلة جدا جدا جدا وبتكره الزائر في الموقع كله.